Realme C33 : రియ‌ల్ మీ ఫోన్ ఇటీవ‌లి కాలంలో చాలా మంది వినియోగ‌దారుల దృష్టిని ఆక‌ర్షించింది. ఎక్కువ మంది రియ‌ల్ మీ ఫోన్స్ కొనేందుకు ఆస‌క్తి చూపుతున్నారు. మంచి స్పెసిఫికేష‌న్స్‌తో పాటు త‌క్కువ ధ‌ర‌ల‌కే ఈ ఫోన్స్ అందుబాటులోకి వ‌స్తున్నాయి. బడ్జెట్ రేంజ్‌లో వరుసగా స్మార్ట్‌ఫోన్‌లను తీసుకొస్తొంది రియల్‌మీ . సెప్టెంబర్ 6న అంటే నేడే రియ‌ల్ మీ సీ33 ఫోన్‌ను ఇండియాలో విడుదల చేయనుంది. ఈ విషయాన్ని అధికారికంగా ప్రకటించింది . ఈ రోజు మధ్యాహ్నం 12 గంటలకు లాంచ్ కానుండ‌గా, ఇందుకోసం రియల్‌మీ వెబ్‌సైట్‌లో ప్రత్యేకమైన పేజ్‌ను కూడా ఏర్పాటు చేసింది.
ఈ-కామర్స్ సైట్ ఫ్లిప్‌కార్ట్ లో సీ33కి సంబంధించిన కొన్ని స్పెసిఫికేషన్లను రియల్‌మీ వెల్లడించింది. ఈ మొబైల్‌ వెనుక రెండు కెమెరాలు ఉంటాయి. 50 మెగాపిక్సెల్ ప్రైమరీ కెమెరాా ఉంటుంది. బడ్జెట్ విభాగంలో హైయెస్ట్ పిక్సెల్ పర్ఫార్మెన్స్‌ను ఈ స్మార్ట్‌ఫోన్‌ ఇస్తుందని, CHDR అల్గారిథమ్ కూడా ఉంటుందని రియల్‌మీ వెల్లడించింది. 18W ఫాస్ట్ చార్జింగ్ సపోర్ట్ ఉండొచ్చు. ఫుల్ హెచ్‌డీ+ LCD డిస్‌ప్లేతో రానుంది. 5 మెగాపిక్సెల్ ఫ్రంట్ కెమెరా ఉండే అవకాశం ఉంది. మొత్తంగా ఈ ఫోన్ 187 గ్రాముల బరువే ఉంటుందని, చాలా కంఫర్ట్ ఫీలింగ్ ఇస్తుందని రియల్‌మీ పేర్కొంది.
Realme C33 : నేడే లాంచ్..
లాంచ్‌కు ముందే రియల్‌మీ సీ33 ధర వివరాలు కూడా లీకయ్యాయి. 3జీబీ+32జీబీ స్టోరేజ్ ఉండే బేస్ మోడల్ ధర రూ.10,999, 4జీబీ ర్యామ్+64జీబీ టాప్‌ వేరియంట్ ధర రూ.11,999గా ఉంటుందని తెలుస్తోంది. అయితే లాంచ్ సందర్భంగా తొలి సేల్‌లో రూ.1,000 వరకు బ్యాంక్ కార్డ్ ఆఫర్‌ ఉండే ఛాన్స్ కనిపిస్తోంది. దీంతో రూ.10వేలలోపు ధరతోనే ఈ మొబైల్‌ను కొనే అవకాశం ఉండనుంది. మూడు కలర్ ఆప్షన్స్‌లోరియ‌ల్ మీ సీ 33లభిస్తుండ‌గా, మీకు న‌చ్చిన క‌ల‌ర్‌తో మెచ్చిన ఫోన్‌ని కొనుగోలు చేసుకోవ‌చ్చు. ఇంత‌క‌ముందు ఫోన్స్ క‌న్నా కూడా ఇది కొంత అట్రాక్టివ్‌గా ఉంటుందని అంటున్నారు. మ‌రి ఇంకెందుకు ఆల‌స్యం మీరు కూడా రియ‌ల్ మీ సీ 33 ఫోన్‌పై ఓ లుక్కేయండి.
